Lakra nuk përmban shumë kalori, por megjithatë llogaritet si një supër ushqim. Qoftë e papërpunuar, e gatuar apo turshi, lakra ju ndihmon që të humbisni peshë, transmeton portali arbresh.info.

Nëse nuk ju pihet ujë, para se të filloni të hani darkën është mirë që të konsumoni disa fletë lakre. Lakra është e pasur me minerale dhe në mënyrë të rregullt ndihmon trupin që të lirohet nga lëngjet e tepërta.

Për shkak të nivelit të madh të vitaminës C dhe vitaminës A, lakra konsiderohet si ushqim anti-inflamator. Nëse dëshironi të hani lakër për të marrë energji, atëherë zgjidhni lakrën e kuqe, sepse përmban shumëllojshmëri të vitaminave.

Lakra është e mbushur me nivele të larta të fibrave, e cila ndihmon edhe njerëzit që kanë probleme me kapsllëk. Lëngu i lakrës gjithashtu ndihmon personat që vuajnë nga urthi, ulecera dhe problemet tjera të sistemit të tretjës./Arbresh.info